عبّرت الفنانة منة فضالي في تصريح جريء لها، عن رأيها في أداء الفنانة ياسمين صبري، مشيرة إلى أنها موديل جيدة ولكنها ضعيفة في التمثيل.
واستكملت منة فضالي: "ياسمين صبري حلوة فعلا ماشاء الله وشيك ولكن التمثيل عايز موهبة، ولو أنا معنديش موهبة يبقى أدرس مش عيب، وممكن يبقى بادئة انهارده بس مينفعش أعمل بطولة، لأن القماشة بتبقى واسعة على البني آدم".
وأضافت منة فضالي: "ولو عايزة أمثل وأبقى نجمة ونمبر ون زي ما هي عايزة تبقى بطلة ، أشتغلي على نفسك عشان محدش يعلق عليكي، هي ممكن تكون ممثلة جيدة ولكن مش موهوبة، الموهوبة دي هتلاقيها تلقائي بتمثل طبيعي، مغلطتش فيها وبتشرف مصر وبتعمل فوتوسيشن موديل حلوة طبعا، جاتلها فرصة مع محمد سامي في مسلسل كبير ولكن معرفتش تحافظ عليها، وأنا مقبلش اسمها يسبق اسمي على تتر".
وكشفت الفنانة منة فضالي، محاربتها من قبل نجمة كبيرة في الوسط الفني، والتي قررت مؤخرًا عدم التعامل معها مرة ثانية لما تسببه لها من ضرر.
وقالت منة فضالي: "في ناس كتير حاربتني ومنهم نجمة كبيرة جدًا وكبيرة سنًا، ومعنديش فكرة ليه بتعمل كدا، ومواجهتهاش واشتغلنا مع بعض كتير جدًا، وهي من زمان بتعمل معايا كدا، مؤخرًا كان عندنا مسلسل في دولة عربية وأنا بطلة المسلسل والمنتج نفسه اتضايق، كلمني عليها قولتله دي جميلة أوي وهتضيف للمسلسل، قالي أنا اتضايقت أوي من ردك يا منة دي مقالتش عليها كدا وقالت كلام مش لطيف، وطلبها قدامي وقالت عني كلام مش لطيف، وحشة أوي من جواها أسود".
وأضافت منة فضالي: "ممكن تكون كبرت وخرفت بقولها داين تداين ولما تقطعي رزق حد ربنا مش هيباركلك، كان جايلها إعلان وطلبوا مني أجبها وقولتلهم لأ وجبت غيرها وعمل وقولت لأ ، ومتعرفيش امتى هضرب ضربتي، أنا قوية جدًا وبعرف أمتى أخد حقي، الجشع والكدب والنفاق مش تبعي، وصراحتي بتخسرني ناس كتير، في حاجات ممكن أكدب فيها عشان مخسرش الطرف التاني، ممكن أكون قد حفيدتها، وهي أخر حساباتي وأقولها كلي في نفسك". وفق (صدى البلد)
وحول دورها في مسلسل جعفر العمدة، قالت منة فضالي: "كنت متخوفة جدا من الدور لأنه كوميدي وأنا لم أقدم هذا النوع من قبل، والمخرج محمد سامي لما بعت لي دور نرجس قال لي لو بتمثليه كوميدي مش هيجيب ضحك فخليه يطلع بشكل طبيعي، وكل مشهد نقعد نعمل بروفات.
وأضافت: "الفنانة هالة صدقي ودور (صفصف) يتعمل لها مسلسل لوحدها، وهي في الحقيقة شخصية متصالحة مع نفسها، وأي حاجة حلوة في الحياة ستجدها في هالة صدقي، وأحلى حاجة تعلمناها منها إن أي حاجة تحصل نرميها خلف ظهورنا وهي متفائلة دائما".
وعن إمكانية زواجها من رجل متزوج بأخرى، قالت منة فضالي: "لا يمكن طبعا أتجوز واحد متزوج، لا يمكن أكون زوجة ثانية إلا في حالة واحدة لو هذا الشخص الذي سأرتبط به كان متزوجا وزوجته توفيت أو مريضة أو لا تنجب، ولكن غير ذلك لا أحب أكون في هذا الوضع". وفق (المصري اليوم)
وتابعت: "نرجس شخصية طيبة ولكن من الحلقة الـ23 سيكون هناك اختلاف كلي وجزئي في شخصيتها، وأكثر واحدة صعبانة عليّ من زوجات (العمدة) هي ثريا التي تقوم بدورها الفنانة مي كساب".
آخر أعمال منة فضالي:
يشار إلى أن آخر أعمال منة فضالي مسلسل جعفر العمدة الذي يعرض حالياً خلال السباق الدرامي الرمضاني ن بطولة محمد رمضان وإخراج محمد سامي.
